• +855 23 23 88 98
  • info@cambodiaprotestant.org

C.C.P.C - Interfaith Meeting December 12, 2022

C.C.P.C - Interfaith Meeting December 12, 2022

image/jpeg

img

ទិវាជាតិប្រយុទ្ធប្រឆាំងអំពើជួញដូរមនុស្សនៅកម្ពុជា 
ថ្ងៃទី១២ ខែធ្នូ ឆ្នាំ២០២២ លើកទី១៦

គណៈកម្មការជាតិប្រយុទ្ធប្រឆាំងអំពើជួញដូរមនុស្សប្រារព្ធទិវាជាតិប្រឆាំងការជួញដូរមនុស្ស ១២ធ្នូ ឆ្នាំ២០២២ លើកទី១៦​
ចេញផ្សាយ ថ្ងៃទី ១២ ខែ ធ្នូ ឆ្នាំ ២០២២
នារសៀលថ្ងៃទី១២​ ខែធ្នូ​ ឆ្នាំ២០២២​ គណៈកម្មការជាតិប្រយុទ្ធប្រឆាំងអំពើជួញដូរមនុស្សប្រារព្ធទិវាជាតិប្រឆាំងការជួញដូរមនុស្ស១២ធ្នូ ឆ្នាំ២០២២​ លើកទី១៦ ក្រោមប្រធានបទ «រួមគ្នាលុបបំបាត់ អំពើជួញដូរមនុស្ស ឆ្ពោះទៅសម្រេចគោលដៅ អភិវឌ្ឍន៍ជាតិ ប្រកបដោយចីរភាព» នៅសាលមហោស្រពកោះពេជ្រ ។

​ពិធីនេះធ្វើឡើងក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង នាយករដ្ឋមន្តីស្តីទី និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស​ និងមានការចូលរួមពីថ្នាក់ ដឹកនាំ នៃរាជរដ្ឋាភិបាល សមាជិក ព្រឹទ្ធសភា រដ្ឋសភា មន្ត្រីរាជការ កងកម្លាំងប្រដាប់អាវុធគ្រប់ប្រភទ អាជ្ញាធរថ្នាក់ក្រោមជាតិ ឯកអគ្គរាជទូត ឯកអគ្គរដ្ឋទូត ស្ថានតំណាងប្រចាំនៅកម្ពុជា តំណាងអង្គការ សហប្រជាជាតិ អង្គការដៃគូជាតិអន្តរជាតិ អង្គការសង្គមស៊ីវិល តំណាងគ្រប់និកាយសាសនា សាស្ត្រាចារ្យ សិស្ស និស្សិត បញ្ញាវ័ន្ត និងវិស័យឯកជន ប្រមាណជាង ៣៥០០អង្គ/នាក់។

​គួរជម្រាបថា​ ជារៀងរាល់ឆ្នាំព្រះរាជាណាចក្រកម្ពុជា បានកំណត់យកថ្ងៃទី១២ ខែធ្នូ ជាថ្ងៃប្រារព្ធទិវាជាតិប្រឆាំងការជួញដូរមនុស្ស ដើម្បីជាយុទ្ធនាការរួមគ្នា បង្កើតនូវប្រព័ន្ធសុវត្ថិភាព សម្រាប់ការពារប្រជា ពលរដ្ឋឱ្យរួចផុតពីភាពរងគ្រោះដោយអំពើជួញដូរមនុស្ស ដែលជាធនធានដ៏មានសក្តានុពលក្នុងការអភិវឌ្ឍន៍សេដ្ឋកិច្ចជាតិ ក្នុងទស្សនវិស័យព្រះរាជាណាចក្រកម្ពុជា មានសន្តិភាព សមភាព យុត្តិធម៌ និងការអភិវឌ្ឍ ដោយការពារប្រជាពលរដ្ឋ យ៉ាងពេញ ទំហឹងពីរាល់ទម្រង់ នៃអំពើជួញដូរមនុស្ស និងការធ្វើអាជីវកម្មលើមនុស្ស ក្នុងព្រះរាជាណាចក្រកម្ពុជា។

​នាឱកាសនោះ​ លោកជំទាវ​ ជូ ប៊ុនអេង រដ្ឋលេខាធិការ ក្រសួង មហាផ្ទៃ និងជាអនុប្រធានអចិន្ដ្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) បានថ្លែងថា រយៈពេលជាង ៣ខែ ចាប់ពីថ្ងៃទី១៨ ខែសីហា មកដល់ខែវិច្ឆិកា ២០២២ កន្លងទៅ សមត្ថកិច្ចរកឃើញមនុស្សចំនួន ១១២២នាក់ ក្រោយសុំឱ្យធ្វើអន្តរាគមន៍ជួយសង្គ្រោះ ក្នុងគេហទំព័រហ្វេសប៊ុក សម្ដេចក្រឡាហោម ស ខេង។

លោកជំទាវបញ្ជាក់ថា​ រាជរដ្ឋាភិ បាលកម្ពុជា មិនអាចព្រងើយ កន្តើយបានឡើយ និងបានឆ្លើយតបជាបន្ទាន់ តាមវិធានការបោសសម្អាតបទល្មើសយ៉ាងមាន ប្រសិទ្ធភាពនោះគឺ ផែនការប្រតិបត្តិ ការបង្កើនការបង្ក្រាបអំពើជួញដូរមនុស្សគ្រប់ទម្រង់ និងបទល្មើសពាក់ព័ន្ធ​ តាមសេចក្ដីសម្រេចរបស់ គ.ជ.ប.ជ និងបង្កើតក្រុមការងារប្រតិបត្តិការដឹកនាំដោយ អគ្គស្នង ការនគរបាលជាតិ និងបើកយុទ្ធនា ការនៅទូទាំងប្រទេស រុករកបទ ល្មើស បណ្តាញជនល្មើស និងសង្គ្រោះជនរងគ្រោះ នៅតាមទីតាំងដែលមានការសង្ស័យយ៉ាងសកម្ម។

​សូមបញ្ជាក់ថា​ ទិវាជាតិប្រឆាំងការជួញដូរមនុស្ស ១២ ធ្នូ ឆ្នាំ២០២២ លើកទី១៦​នាពេលនេះ ធ្វើឡើងក្នុងគោលបំណងបង្ហាញស្មារតីសាមគ្គីភាព និងការយកចិត្តទុកដាក់ ចំពោះការងារប្រឆាំងការជួញដូរមនុស្ស និងទាសភាពសម័យទំនើប និងការការពារសិទ្ធិមនុស្ស នៅកម្ពុជា ជាការបំផុសការយល់ដឹង យ៉ាងទូលំទូលាយ អំពីព្រឹត្តិការណ៍ ស្ថានភាព និងនិន្នាការនៃអំពើជួញដូរមនុស្ស, ផ្សព្វផ្សាយ អំពីកិច្ចខិតខំប្រឹងប្រែង របស់រាជរដ្ឋាភិបាលកម្ពុជា ដៃគូពាក់ព័ន្ធជាតិ និងអន្តរជាតិនានា ក្នុងការប្រយុទ្ធប្រឆាំងអំពើជួញដូរមនុស្ស ដើម្បីសុវត្ថិភាព និងការអភិវឌ្ឍជាតិ ។ ទាំងនេះ ជាការរួមចំណែកដ៏ធំធេង ក្នុងការលើក កម្ពស់សន្តិសុខ សុវត្ថិភាពសង្គម និងសន្តិភាពជាតិ ឱ្យមានស្ថិរភាព ដើម្បីធ្វើជាមូលដ្ឋានគ្រឹះ នៃការអភិវឌ្ឍជាតិគ្រប់វិស័យ ស្របតាមគោលដៅអភិវឌ្ឍន៍ជាតិ ប្រកប ដោយចីរភាពតាមការគ្រោងទុក៕

អរគុណសន្តិភាព!